5 აგვისტოს ნინოწმინდაში, სოფელ განძასთან, სატვირთო მიკროავტობუსი ფორდ ტრანზიტი და ფოლკსვაგენი ერთმანეთს შეეჯახნენ. შემთხვევის შედეგად 2 ადამიანი დაიღუპა. 1 დაშავებული სამედიცინო დაწესებულებაშია გადაყვანილი.
ავტოსაგზაო შემთხვევა დაახლოებით 20:00 საათზე მოხდა.
როგორც ადგილობრივები აცხადებენ, გარდაცვლილები “ფოლკსვაგენის” მარკის მანქანაში ისხდნენ.
მიკროავტობუსის მძღოლი ახალქალაქის რეფერალურ ჰოსპიტალშია გადაყვანილი. მოგვიანებით ის ხაშურის კლინიკაში გადაიყვანეს.
“აქვს ტრავმული შოკი, ნეკნების მოტეხილობა”, – აცხადებენ ახალქალაქის რეფერალურ ჰოსპიტალში.
ადგილზე მობილზებული იყვნენ სამართალდამცავები.
შსს-მ საქმეზე ძიება, სსკ–ს 276–ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
სამხრეთის კარიბჭე