ნოსირთან მომხდარ ავარიას, რომლის დროსაც 2 ადამიანი მანქანაში დაიწვა, ქეთი სესიაშვილი ფეისბუქში ასე გამოეხმაურა:
“ვაიმეეე… თვალიდან არ ამომდის შემზარავი კადრები… ვაიმე შვილებოოო, შოთა, ვალერი, რა სიმწარე ნახეთ… დასასჯელები არიან საგზაო დეპარტამენტის წარმომადგენლები თუ რა ვიცი, რა ქვიათ.. მე თავად შევესწარი უკვე მომხდარ ტრაგედიას… ეს რა ვნახე… ავტობანზე სწორ გზაზე მოდიხარ და უცებ გზის ორივე მხარეს ამოთხრილებია გზის გარკეული მონაკვეთები და ასეა მიტოვებული… ავტობანზე მიდიხარ დაშვებული სისწრაფით, არ ელოდები არანაირ დაბრკოლებას, რადგან არც გამაფრთხილებელი ნიშნებია და არანაირი საგზაო ნიშანი და უცებ აწყდები საავარიო სუტუაციას…უკვე ვეღარ ირიდებ მოსალოდნელ ტრაგედიას… და აი შედეგიც: ადგილზე ცოცხლად ამომწვარი ბიჭები, 21 წლის შოთა მაჩიტიძე და 25 წლის ვალერი თუშიაშვილი, რომლებიც წუთების წინ სიცოცხლით ტკბებოდნენ და ვიღაცეების უცოდინრობასა და სამსახურებრივ გულგრილობას შეეწირნენ… ეს უმძიმესი ტრაგედიაა ტრაგედიათა შორის… ფერიცვალობა უნდა დამდგარიყო და ვიღაცეების უტვინობით ასე იცვალა ფერი სამყარომ თქვენთვის ჩემო ლამაზებო.., არ გიცნობდით, მაგრამ ხომ ჩემი ლამაზი ქართველი ვაჟკაცები ხართ – იყავით, სანთელი და საკმეველი თქვენს ლამაზ სულს… როგორ ეწამეთ, როგორ.. ვაი, თქვენს მშობლებს, შვილებო.. ეს რა დილა გაუთენდათ გუშინ… თვალებიდან არ ამომდის ეს შემზარავი კადრები… დახრუკული ლამაზი ვაჟკაცები…პასუხი აგებინეთ სასწრაფოდ დამნაშავეებს საგზაო დეპარტამენტისა თუ სამინისტროს შესაბამისი სამსახურის წარმომადგენლებს, სამსახურებრივი გულგრილობისა და არაპროფესიონალიზმის გამო… კიდევ რამდენი ტრაგედია უნდა მოხდეს, მითხარით! 21 წლის შოთა მაჩიტიძე და 25 წლის ვალერი თუშიაშვილი – დაღუპულთა ვინაობა ცნობილია უკვე..”
AMBEBI.GE-ს ინფორმაციით, მაჩიტიძე წარმოშობით თერჯოლის რაიონის სოფელ თუზიდან იყო. მან სკოლა სოფელში დაამთავრა, შემდეგ კი საცხოვრებლად თბილისში გადავიდა. თუზში ახალგაზრდა იშვიათად ჩადიოდა და ადგილობრივებს მასთან ხშირი კონტაქტი არ ჰქონდათ.
შოთა მაჩიტიძე და ვალერი თუშიაშვილი სამი თვით ქობულეთში სამუშაოდ იყვნენ ჩასულები. ავტოსაგზაო შემთხვევა იმ დროს მოხდა, როდესაც იქიდან ბრუნდებოდნენ.
