გუშინ, 6 აგვისტოს, ერევანში გაიმართა ევროპის ლიგის საკვალიფიკაციო მატჩი ადგილობრივ არარატ-არმენიასა და თბილისის საბურთალოს შორის.
შეხვედრის პირველ ტაიმში მასპინძლებმა ანგარიში გახსნეს. ეს 31-ე წუთზე ანტონ კობიალკომ გააკეთა _ 1:0.
პირველი ტაიმი ასე დასრულდა.
მეორე ნახევარში საბურთალომ თამაშში გარდატეხის შეტანა მოახერხა.
72-ე წუთზე სანდრო ალთუნაშვილმა ანგარიში გაათანაბრა, 4 წუთის შემდეგ კი ლევან ყენიამ, რომელიც საბურთალოს რიგებში პირველ შეხვედრას ატარებდა, მასპინძლებს მე-2 გოლი გაუტანა _ 1:2.
ეს ანგარიში შეხვედრის ბოლომდე არ შეცვლილა და საბურთალომ არარატ-არმენიას სტუმრად დამარცხება შეძლო.
ამ გუნდების მეორე შეხვედრა თბილისში 14 აგვისტოს გაიმართება.