საქართველოს ნაკრების ყოფილი კაპიტანი ზაზა ფაჩულია კალათბურთელის კარიერას ასრულებს. იგი “გოლდენ სტეიტში” კონსულტანტის თანამდებობაზე იმუშავებს.
ამის შესახებ გოლდენ სტეიტმა ტვიტერში დაწერა.
“ზაზა ფაჩულია დაბრუნდა გოლდენ სტეიტში კონსულტანტად” – წერია კლუბის ტვიტში.
შეგახსენებთ, რომ ზაზა “გოლდენ სტეიტში” 2016-17 და 2017-18 წლების სეზონში თამაშობდა. ორივეჯერ NBA-ს ჩემპიონის ტიტული მოიგო. გასულ სეზონში კი “დეტროიტის” ღირსებას იცავდა.
რაც შეეხება საქართველოს ნაკრებს, ზაზა 2000 წლიდან 2017-მდე თამაშობდა და ეროვნულ გუნდთან ერთად სამ ევრობასკეტზე იასპარეზა.