თბილისში, თარხნიშვილის ქუჩაზე მამაკაცი დაჭრეს. დაჭრილი სამედიცინო დაწესებულებაშია გადაყვანილი და მის სიცოცხლეს ამ დროისთვის საფრთხე არ ემუქრება.
იურისტ მარიამ კუბლაშვილის ინფორმაციით, თარხნიშვილის ქუჩაზე მამაკაცს ზურგიდან ფსიქიკურად გაუწონასწორებელი მამაკაცი დაესხა თავს.
„კვირა დღეა და წირვაზე იმყოფებოდა, იქიდან წამოვიდა სახლში. ეს ადამიანი ჩუმად გამოჰყვა და სადარბაზოში როგორც კი შემოვიდა, ჩუმად, უკნიდან, ზურგიდან დაარტყა დანა. ჭრილობა ძალიან ღრმაა, სადარბაზო სისხლით სავსეა. რაც მთავარია, ააღწია სახლამდე, ახლა ოპერაცია უტარდება,“ – განაცხადა იურისტმა მარიამ კუბლაშვილმა.
დაჭრილი ახალგაზრდა დალი ჩიტალაძის შვილი, ვახო სუთიძეა.
-გიჟები დადიან ქალაქში და ერთ-ერთი მათგანი ჩემს შვილს დაესხა თავს. ის მას მხოლოდ ეკლესიაში წირვებზე ჰყავს ნანახი. როდესაც ჩემი შვილი დილით ტაძრიდან ბრუნდებოდა, მას გამოჰყვა ეს მამაკაცი და ისე, რომ არაფერი უთქვამს, სადარბაზოში შემოჰყვა, უკან მიეპარა და დანა დაარტყა. დაკარგა ბევრი სისხლი და ოპერაცია ჩაუტარდეა, – განაცხადა დალი ჩიტალაძემ.
გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.