მსხვერპლით დასრულდა თბილისში გუშინ გვიან ღამით მომხდარი ავტოსაგზაო შემთხვევა. თვითმხილველების ინფორმაციით, აღმაშენებლის ხეივანზე მსუბუქი ავტომობილი ქვეითად მოსიარულე, 40 წლამდე მამაკაცს დაეჯახა.
მოქალაქე ადგილზე გარდაიცვალა.
გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.