კრიმინალური ავტორიტეტის შოთა ჭიჭიაშვილის დაკრძალვაზე ინციდენტი მოხდა.
“კურიერის” ინფორმაციით, უცნობი პირი ახმეტის ერთ-ერთ რესტორანში მსუბუქი ავტომობილით შევარდა, იქ, სადაც ჭიჭიაშვილის დაკრძალვის შემდეგ გარდაცვლილის ახლობლები შეიკრიბნენ. შემთხვევის შედეგად 3 პირი დაშავდა.
ერთ-ერთს პირველადი დახმარება ადგილზევე ჩაუტარდა, დანარჩენი 2 ახმეტის საავადმყოფოში გადაიყვანეს.
სამედიცინო გამოკვლევების შემდეგ ერთ-ერთი დაშავებულის თბილისში ტრანსპორტირება გახდა საჭირო.
ექიმების ინფორმაციით, მათ საშუალო სიმძიმის დაზიანებები აღენიშნებათ და სიცოცხლეს საფრთხე არ ემუქრებათ.
კრიმინალური ავტორიტეტი შოთა ჭიჭიაშვილი, უკრაინაში სპეც.ოპერაციის დროს 2 ოქტომბერს მოკლეს.
“კურიერს” შს სამინისტროში ახმეტაში მომხდარის შემთხვევის შესახებ დაუდასტურეს, თუმცა როგორც უწყებაში განმარტავენ ინციდენტი კრიმინალურ ავტორიტეტ შოთა ჭიჭიაშვილის დაკრძალვას არ უკავშირდება. ფაქტზე მოკვლევა 276-ე მუხლით დაიწყო.