მარტვილში 40 წლის რ.ჯ. მოკლეს – დაკავებულია ჯ.ნ. – ვიდეო

მარტვილში 40 წლის რ.ჯ. მოკლეს - დაკავებულია ჯ.ნ. - ვიდეომარტვილის მუნიციპალიტეტის სოფელ ტალერში 40 წლამდე მამაკაცი მოკლეს. არსებული ინფორმაციით, მკვლელობა ბრალდებულის სახლში, ურთიერთშელაპარაკების შემდეგ მოხდა. მამაკაცმა ოჯახის ახლობელი ცივი იარაღით მოკლა.

სამართალდამცავებმა ბრალდებული უკვე დააკავეს.

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-საგამოძიებო ღონისძიებების შედეგად, მარტვილში მომხდარი მკვლელობა გახსნეს – დაკავებულია 1 პირი: 1961 წელს დაბადებული ჯ.ნ.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა მარტვილის მუნიციპალიტეტის სოფელ ტალერში, ურთიერთშელაპარაკებისას, თანასოფლელს – რ.ჯ.-ს ცივი იარაღით სხეულზე დაზიანებები მიაყენა, რის შედეგადაც იგი გარდაიცვალა.

ბრალდებული აღიარებს დანაშაულს. პოლიციამ დანაშაულის ჩადენის იარაღი – დანა ნივთმტკიცების სახით ამოიღო.

განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს.