ცაგერში მანქანა არხში გადავარდა – მაშველები 3 ახალგაზრდას ეძებენ

ცაგერში, სოფელ ჩხუტელში ავტომობილი, რომელშიც სამი ახალგაზრდა იმყოფებოდა ცხენისწყლის არხში გადავარდა.

როგორც თვითმხილველები “რეგიონულ კვირასთან” ყვებიან, მანქანა დიდი სისწრაფით მოძრაობდა, დამცავ ჯებირებს შეეჯახა და არხში ჩავარდა. ადგილობრივები მათ დახმარებას ეცადნენ, თუმცა წყლის დინებამ ახალგაზრდები ხელოვნულ გვირაბში ჩაითრია.
შემთხვევა დაახლოებით, ერთი საათის წინ მოხდა.
ადგილზე მობილიზებულია სასწრაფო სამედიცინო დახმარებისა და სამაშველო ბრიგადები. საგანგებო სიტუაციების მართვის სამსახურის წარმომადგენლებმა ახალგაზრდების სამძებრო სამუშოები უკვე დაიწყეს.
როგორც “რეგიონულ კვირას” შს სამინისტროში განუცხადე, მომხდარზე საქმე სსსკ-ის  276-ე მუხლით აღიძრა.

კვირა