ისანში ინდოეთის მოქალაქე მოკლეს. ახალგაზრდა მამაკაცს ცეცხლსასროლი იარაღით მიყენებული ჭრილობები აღენიშნება.
შს სამინისტროს ინფორმაციით, გამოძიება სისხლის სამართლის კოდექსის 108-ე მუხლით და 236-ე მუხლის მესამე და მეოთხე ნაწილით მიმდინარეობს, რაც ცეცხლსასროლი იარაღის უკანონო შენახვა-ტარებას და განზრახ მკვლელობას გულისხმობს. აღნიშნული დანაშაული 7 დან – 15 წლამდე ვადით თავისუფლების აღკვეთას ითვალისწინებს.
არსებული ინფორმაციით, მოკლული და სავარაუდო დამნაშავე მეზობლები იყვნენ. მათ შორის დავა იმ ტერიტორიის გამო დაიწყო, სადაც ინდოეთის მოქალაქე სახლს იშენებდა.
მათ შორის დავა იმ ტერიტორიის გამო დაიწყო, სადაც ინდოეთის მოქალაქე სახლს იშენებდა.
მკვლელობაში ეჭვმიტანილი უკვე დაკავებულია.