ნიუ-იორკის შტატში გასულ დღე-ღამის განმავლობაში კორონავირუსით 56 ადამიანი დაიღუპა. ამის შესახებ ნიუ-იორკის გუბერნატორმა ენდრიუ კუომომ ბრიფინგზე განაცხადა.
როგორც გუბერნატორმა აღნიშნა, 29 მაისს გარდაცვლილთა რიცხვი 69-ს შეადგენდა, დღევანდელი მონაცემებით კი კლება შეინიშნება.
“დაღუპულთა რიცხვის ეს შემცირება უდიდესი პროგრესია იმასთან შედარებით, სადაც ვიყავით”, – განაცხადა გუბერნატორმა.
მისივე ინფორმაციით, ნიუ-იორკში ასევე შემცირებულია კორონავირუსის დიაგნოზით ჰოსპიტალიზებულთა რიცხვი.
”ყველგან კარგი ამბავია”, – განაცხადა ნიუ-იორკის გუბერნატორმა.
იპნ