ოზურგეთში ავტოსაგზაო შემთხვევის შედეგად 60 წლამდე ქალი გარდაიცვალა.
გურიის მოამბის ცნობით, ავარია პეტრიწის ქუჩაზე მოხდა. მანქანა ქუჩის კუთხეში მდგარ ქალს დაეჯახა. ქალი დაიღუპა, ავტომობილის მძღოლი კი შემთხვევის ადგილიდან მიიმალა.
ადგილზე სამართალდამცავები არიან მობილიზებული.
გამოძიება “სისხლის სამართლის კოდექსის” 276-ე მუხლის მეექვსე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.