ფაშინიანი – „ცუდი ამბავი გვაქვს, 697 ახალი შემთხვევა დადასტურდა”

სომხეთში ბოლო 24 საათში კორონავირუსის 697 ახალი შემთხვევა დადასტურდა, – ამის შესახებ ქვეყნის პრემიერ-მინისტრმა ნიკოლ ფაშინიანმა „ფეისბუქ“ ლაივის დროს განაცხადა.

„ცუდი ამბავი გვაქვს, სიტუაცია უარესდება, 697 ახალი შემთხვევა დადასტურდა. ეს იმას ნიშნავს, რომ გვყავს ადამიანები, რომლებსაც ჰოსპიტალიზაცია სჭირდებათ, მაგრამ ჩვენ მათი დროულად ჰოსპიტალიზაციის საშუალება არ გვაქვს,“ – განაცხადა ნიკოლ ფაშინიანმა.

მისივე თქმით, ქვეყანაში ათასობით ასიმპტომური პაციენტია, რომლებმაც არ იციან, რომ ინფიცირებულები არიან.

„ქვეყანაში დაახლოებით 20 000 ინფიცირებული ადამიანია, რომლებმაც არ იციან, რომ ინფიცირებულები არიან. სწორედ ისინი არიან ინფექციის ძირითადი გამავრცელებლები,“ – განაცხადა ნიკოლ ფაშინიანმა.

ცნობისათვის, 3 ივნისის მონაცემებით, სომხეთში კორონავირუსის 10.524 შემთხვევაა დადასტურებული, აქედან 3.454 პაციენტი გამოჯანმრთელდა, 170 კი გარდაიცვალა.

ინფიცირებული არიან თავად ნიკოლ ფაშინიანი და მისი ოჯახის წევრები.

იპნ