საფრანგეთში ხვალიდან კინოთეატრები, ორშაბათიდან კი კაზინოები იხსნება, – ამის შესახებ ინფორმაციას „დოიჩე ველე“ ავრცელებს.
გარდა ამისა, 11 ივლისიდან ქვეყანაში სტადიონებისა და იპოდრომების გახსნაც იგეგმება, თუმცა ერთდროულად 5 000-ზე მეტი ადამიანის შეკრება ნებადართული არ იქნება.
ცნობისათვის, საფრანგეთში ღია კაფები და რესტორნები უკვე გაიხსნა, თუმცა 10-ზე მეტი ადამიანის თავშეყრა ჯერჯერობით აკრძალულია.
ბოლო მონაცემებით, საფრანგეთში კორონავირუსის 159.452 შემთხვევაა დადასტურებული, გარდაცვლილია 29.617 ადამიანი.
დაინფიცირებულთა რაოდენობით ქვეყანა მე-15 ადგილზე დგას მსოფლიოში.
იპნ