1 საათის წინ ბაგებში, სამხარაულის ექსპერტიზის ეროვნულ ბიუროსთან, სროლა იყო.
სროლა, სავარაუდოდ, სიტყვიერ დაპირისპირებას მოჰყვა. თვითმხილველები ამბობენ, რომ მამაკაცებმა ჩხუბის დროს გაისროლეს.
ადგილზე ექსპერტ-კრიმინალისტები ამ დრომდე მუშაობენ. ჯერჯერობით, უცნობია დაპირისპირების მიზეზი.
დაიჭრა თუ არა ვინმე, მეზობლები ამის შესახებ ინფორმაციას არ ფლობენ, თუმცა, “კურიერის” ინფორმაციით, დაჭრილები არიან.
შსს-მ გამოძიება 117-ე მუხლით დაიწყო, რომელიც ჯანმრთელობის განზრახ მძიმე დაზიანებას გულისხმობს.
ადგილზე საპატრულო პოლიციის რამდენიმე ეკიპაჟია მობილიზებული. მათ გზის სავალი ნაწილი აქვთ გადაკეტილი.
რუსთავი 2