ავტოსაგზაო შემთხვევის შედეგად ხობში, მოზარდი დაიღუპა. თვითმხილველების ინფორმაციით, ადგილობრივი სკოლის მოსწავლე სოფელ შუა ხორგაში გზის გასწვრივ გადაადგილდებოდა, როდესაც მსუბუქი ავტომანქანა შეეჯახა.
მომხდარზე შსს-მ გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.