თბილისის ზღვაში მოზარდის ცხედარი იპოვეს. როგორც „ინტერპრესნიუსს” საგანგებო სიტუაციების მართვის სამსახურში განუცხადეს, მეორე დაკარგული არასრულწლოვნის საძიებო სამუშაოები გრძელდება.
უწყების ინფორმაციით, ადგილზე 5 მყვინთავი მუშაობს და ასევე ხდება სანაპიროს მონიტორინგი.
შემთხვევა თბილისის ზღვაზე, ვარკეთილის სანაპიროსთან მოხდა. “კურიერის” ინფორმაციით, ერთ-ერთი მოზარდი ლაგოდეხის რაიონიდან, სოფელ კაბალიდან არის.