წინანდლის რედისონში ხანძარი საუნიდან გაჩნდა – ყველა სტუმარი უვნებლად გადარჩა

წინანდალში, სასტუმრო „რედისონში” გაჩენილი ხანძარი ლოკალიზებულია. ამის შესახებ ჟურნალისტებს სასტუმრო „რედისონის” გენერალურმა მენეჯერმა ელენე ოთარაშვილმა განუცხადა.

მისივე თქმით, ამ დროისთვის ყველა დამსვენებელი და თანამშრომელი უსაფრთხოდაა.

„ცეცხლი გაჩნდა სასტუმროს მე-5 სართულზე, საუნის ლოკაციაზე. ცეცხლი სრულად ლოკალიზებულია. აბსოლუტურად ყველა სტუმარი და ყველა თანამშრომელი უსაფრთხოდაა.

ჩვენ გვაქვს ძალიან მაღალი უსაფრთხოების სისტემა. შესაბამისად, ყველაფერი მოხდა უსაფრთხოდ. ეკიპაჟი მოსულია, მიმდინარეობს კვამლის განეიტრალება. ზარალი არის უმნიშვნელო. აბსოლუტურად ყველა დამსვენებელი და ჩვენი გუნდის ყველა წევრი დროულად იქნა გამოყვანილი შენობიდან. რა გახდა ამის მიზეზი, დავადგენთ“, – განაცხადა ელენე ოთარაშვილმა.

იპნ