მადრიდის რეგიონის ხელმძღვანელის, ისაბელ დიას აიუსოს განცხადებით, მადრიდში სკოლის მოსწავლეებისთვის პირბადის ტარება სავალდებულო გახდება.
როგორც ისაბელ დიას აიუსომ განმარტა, სკოლებში პირბადის ტარება 6 წლის ასაკის ზემოთ ყველა ბავშვისთვის სავალდებულო იქნება.
„თუ სიტუაცია გაუმჯობესდება, აღნიშნული ზომა შეიცვლება და 11 წლის ასაკის ზემოთ ბავშვებისთვის გახდება სავალდებულო“, – აღნიშნა მადრიდის რეგიონის ხელმძღვანელმა.
მან ასევე აღნიშნა, რომ კლასში მხოლოდ 20 მოსწავლე დაიშვება.
პანდემიის დაწყებიდან დღემდე ესპანეთში კორონავირუსის 412.553 შემთხვევა გამოვლინდა, ხოლო 28.924 ადამიანი გარდაიცვალა.
იმედინიუსი