დიდი ბრიტანეთის ხელისუფლება იმ ქვეყნების სიას, რომელი ქვეყნებიდან ჩასული მოქალაქეებიც 14-დღიან სავალდებულო კარანტინს გადიან, საფრანგეთს, მალტასა და ნიდერლანდებს დაუმატებს,- ამის შესახებ ინფორმაციას „ევრონიუსი“ ავრცელებს.
გამოცემის ცნობით, შეზღუდვა ძალაში მიმდინარე კვირის შაბათიდან შევა და მისი მიზანი კორონავირუსის გავრცელების პრევენციაა.
გუშინ საფრანგეთში კოვიდ 19-ის 2 524 შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის მაისიდან, ანუ იმ დროიდან, როდესაც საფრანგეთში კორონავირუსის გამო დაწესებული შეზღუდვები მოიხსნა.
რაც შეეხება კვირის მონაცემებს, საფრანგეთში, 3-9 აგვისტოს, ყოველ 100 000 მოსახლეზე ინფიცირების 15 შემთხვევა დადასტურდა, ნიდერლანადებში -19, მალტაში კი – 35.
აღსანიშნავია, რომ დიდმა ბრიტანეთმა ივლისში კარანტინი ესპანეთიდან და ბელგიიდან ჩასულ მგზავრებსაც დაუწესა, რამაც ესპანეთის ხელისუფლების წარმომადგენლების უკმაყოფილება გამოიწვია.
იპნ