თბილისში, ახალგაზრდა მამაკაცი დაჭრეს, რომელიც საავადმყოფოში მიყვანისთანავე გარდაიცვალა. მამაკაცს ჭრილობა გულ-მკერდის არეში ცივი იარაღით ჰქონდა მიყენებული.
27 წლის პაციენტი კლინიკაში გადაყვანიდან მალევე დაიღუპა. სისხლიანი დაპირისპირების დეტალები, ჯერ-ჯერობით, უცნობია.
მომხდარის შესახებ ინფორმაცია არ აქვთ გარდაცვლილის მეგობრებსაც. ცხედარი სამხარაულის ექსპერტიზის ბიუროშია გადასვენებული.
შინაგან საქმეთა სამინისტროს ინფორმაციით, ფაქტთან დაკავშირებით გამოძიება სისხლის სამართლის კოდექსის 108-ე განზრახ მკვლელობის მუხლით დაიწყო.