თბილისში, ნუცუბიძეზე მომხდარ ავტოსაგზაო შემთხვევას 1 ადამიანის სიცოცხლე ემსხვერპლა. ინფორმაცია “მთავარ არხს” შინაგან საქმეთა სამინისტროში დაუდასტურეს.
80 წლამდე ასაკის კაცი, რომელიც ქვეითად გადაადგილდებოდა, ავტომობილის დაჯახების შედეგად ადგილზე გარდაიცვალა.
მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია.