აშშ-ში გრძელდება საპრეზიდენტო არჩევნების ხმების დათვლა.
ჯორჯიის შტატში, რომელშიც დიდი ხნის მანძილზე პრეზიდენტი ტრამპი ლიდერობდა, დათვლილია ხმების 99%.
ამ დროისთვის ბაიდენმა გადაასწრო ტრამპს. მას 2.449.590 ხმა აქვს, ტრამპს კი – 2.448.492 ხმა. განსხვავება სულ 1.098 ხმას შეადგენს.
ჯორჯიაში გამარჯვებას ამომრჩეველთა კოლეგიის 16 ხმა მოაქვს.
შეიცვალა ვითარება პენსილვანიის შტატშიც, სადაც ასევე ტრამპი ლიდერობდა დიდი ხნის მანძილზე.
ამ დროისთვის დათვლილია ხმების 98%.
ბაიდენს მხარს უჭერს 3.297.614 ამომრჩეველი, ტრამპს კი – 3.290.788. განსხვავება 6.826 ხმაა.
პენსილვანიის მოგებას 20 ხმა მოაქვს.
ბაიდენს კოლეგიის 264 ხმა აქვს, ტრამპს – 214.
საბოლოო გამარჯვებისთვის, ანუ 270 ხმის მოსაგროვებლად, ბაიდენს 6 ხმა სჭირდება, ტრამპს – 56.