ესპანეთის მოსახლეობის უდიდესი ნაწილისთვის „კოვიდ-19“-ის საწინააღმდეგო ვაქცინა 2021 წლის პირველ ნახევარში იქნება ხელმისაწვდომი.
ამის შესახებ ქვეყნის პრემიერ-მინისტრმა, პედრო სანჩესმა განაცხადა.
სანჩესმა ასევე აღნიშნა, რომ ბოლო რამდენიმე კვირაა, ესპანეთში „კოვიდ-19“-ის ახალი შემთხვევების რაოდენობამ იკლო. ესპანეთის მთავრობამ კორონავირუსის საწინააღმდეგო ვაქცინისთვის ერთ მილიარდი ევრო გამოყო, ასევე შექმნა სპეციალური კომიტეტი, რომელიც გადაწყვეტს, ვინ მიიღებს პირველ ვაქცინას.
ესპანეთის პრემიერ-მინისტრის თქმით, მთავრობა ვაქცინაციის გეგმას მოსახლეობას სამშაბათს გააცნობს. როგორც ესპანეთის ჯანდაცვის სამინისტროში აცხადებენ, „კოვიდ-19“-ის საწინააღმდეგო ვაქცინა მოსახლეობისთვის უფასო იქნება.
პანდემიის დაწყებიდან დღემდე, ესპანეთში „კოვიდ-19“ 1,54 მილიონ ადამიანს დაუდასტურდა.
პირველი არხი