ნიუ იორკში, ბრუკლინში 18 წლის ჯაბა ადამიას და მისი მკვლელობის შესახებ ახალი დეტალები გახდა ცნობილი.
“ჯაბა ადამიას კვირას, საღამოს 5:30 საათზე, E. 21-ე სტრიტზე, ქვენტინ როუდის გვერდით დაესხნენ თავს და დანით ჭრილობები მიაყენეს. ეს მოხდა შიპშედ ბეიზე მდებარე მისი სახლიდან დაახლოებით 1 მილის მოშორებით”, – ამბობენ ნიუ იორკის პოლიციაში.
პოლიცია ეძებს მთლიანად შავებში ჩაცმულ თეთრკანიან მამაკაცს, რომელიც შემთხვევის ადგილიდან გაიქცა და მიიმალა.
“მან ახლახანს დაამთავრა საშუალო სკოლა და კოლეჯში სწავლის გაგრძელებას აპირებდა“, – უთხრა მედიას ჯაბა ადამიას მეგობარმა.
ჯაბა ადამია უკრავდა გიტარაზე და მისი ვიდეოები სოციალურ ქსელში პოპულარობით სარგებლობდა.