ბაკურიანში მოთხილამურეთა მწვრთნელის იბრაგიმ გობოზოვის კუთვნილი ავტომობილი მაშინ აფეთქდა, როდესაც ის მანქანას წმენდდა.
როგორც გობოზოვი აცხადებს, შემთხვევის შედეგად მსუბუქი დაზიანება მიიღო, თუმცა, არ იცის, რას შეიძლება უკავშირდებოდეს მომხდარი:
“მანქანა ეზოსთან იდგა, ძარაზე რაღაც ნივთი შევნიშნე და რომ ავიღე, აფეთქდა. გამოვიძახე პოლიცია და მუშაობენ. თითებზე მივიღე დაზიანება და ცოტა მკერდის არეში” – განაცხადა გობოზოვმა.
მომხდარზე გამოძიება 229-ე მუხლით დაიწყო, რაც გაზის, ბენზინის, ნავთის ან სხვა ნივთიერების განზრახ აფეთქებასა და ამით შეგნებულად სიცოცხლისათვის, ჯანმრთელობისათვის ან ქონებისათვის საფრთხის შექმნას გულისხმობს.