ბერძნული მედიის ცნობით, საქართველოს ნაკრების ერთ-ერთი ფეხბურთელი, რომელმაც საბერძნეთის ეროვნულ გუნდთან ითამაშა, “პანათინაიკოსს” შესთავაზეს. გამოცემის მტკიცებით, ეს 27 წლის ტანმაღალი (193 სმ) თავდამსხმელი გიორგი ქვილითაიაა.
ქვილითაია “გენტიდან” “ანორთოსისში” იჯარითაა გაშვებული. ბელგიური კლუბი ქართველის დაბრუნებას არ აპირებს, თავად კვიპროსში დარჩენა არ სურს, მომავალი გაურკვეველია და მისი წარმომადგენლები ახალ კლუბს ეძებენ.
ქვილითაიამ ამ სეზონში ყველა ტურნირზე 27 მატჩში 15 გოლი გაიტანა და 2 საგოლე გადაცემა გააკეთა, “გენტთან” კი კონტრაქტი 2022 წლის ზაფხულში უმთავრდება. ის ამ კლუბმა 2018 წელს 3 მილიონ ევროდ შეიძინა.
სპორტალი