სექსუალური ხასიათის ძალადობაში ბრალდებული გოგი წულაია ისევ საავადმყოფოში რჩება. მან ჯანმრთელობის მდგომარეობის გაუარესების გამო შიმშილობა შეწყვიტა. როგორც წულაიას ადვოკატი აცხადებს, პოლიტიკოსს 15 კილომდე აქვს დაკლებული:
“გუშინ ვიყავი მასთან, მსუბუქ კვებაზე გადავიდა. ძალიან სუსტად გრძნობს თავს შიმშილობის გამო, ჩივილები აქვს და სასწრაფოდ სჭირდება რეაბილიტაციის კურსის გაგრძელება”, – თქვა ვალერი გელბახიანმა.
მისივე განცხადებით, წულაიას წამლებს ორშაბათს მიაწვდიან.