ზუგდიდის ცენტრალურ ბაზარში დღეს დილით ფულის გადასახურდავებელ პუნქტში 57 წლის მამაკაცმა ბ. ხ.-მ გამყიდველ ქალს ა. ბ.-ს 10 ათას ლარამდე თანხა მოპარა.
იგი ქალს როგორც მომხმარებელი, ისე გაეცნო. როდესაც ა.ბ.-მ თანხის გადასახურდავებლად უჯრა გახსნა, მამაკაცმა ის სწორედ ამ დროს გაქურდა და ადგილიდან მიიმალა.
სამართალდამცველებმა მამაკაცი მოგვიანებით, ბაზრიდან მოშორებით ე.წ. სვანეთის ბაზართან დააკავეს. მათ ნივთმტკიცების სახით ამოიღეს ნაქურდალი თანხა.
დაკავებული მამაკაცი სამხარეო პოლიციის წინასწარი დაკავების იზოლატორში იმყოფება.
მიმდინარეობს გამოძიება სსკ-ის 177-ე მუხლით, რაც ქურდობას გულისხმობს.