წყალტუბოში სკოლის მიმდებარედ მომხდარ ინციდენტში მონაწილე პირი გამოკითხვაზე პოლიციაში მივიდა. დავით ბენიძე წყალტუბოს რაიონულ განყოფილებაში ადვოკატთან ერთად ორი დღის შემდეგ გამოცხადდა.
როგორც მისი უფლებადამცველი აცხადებს, მისმა დაცვის ქვეშ მყოფმა საგამოძიებო ორგანოში მისვლა თავად გადაწყვიტა, რადგან მას სურს ყველა კითხვას უპასუხოს და გამოძიებასთან ითანამშრომლოს.
გავრცელებული ინფორმაციით, 20 წლის ბიჭმა წყალტუბოს მესამე საჯარო სკოლის მეთორმეტეკლასელი დაჭრა. არსებული ინფორმაციით, დაზარალებული ჩვენებაში სხვისი მხრიდან განხორციელებულ ძალადობაზე არ საუბრობს და ამბობს, რომ დაზიანება წაქცევის შედეგად მიიღო.