ადიგენის პოლიციის უფროსს დევნაში ადანაშაულებენ. სოფელ უდეში მცხოვრები ეკა აზირაშვილი ამტკიცებს, რომ მისი შვილი, 28 წლის მამაკაცი, ყოველგვარი მიზეზის გარეშე გუშინ სოფლის ცენტრში დააკავეს, შემდეგ სცემეს და ხელყუმბარის ჩადებით დაემუქრნენ.
– დავრეკე 126-ში, რომ პოლიციამ ჩემი შვილი წაიყვანა, არც ახალციხეშია, არც ადიგენში, არც სამმართველოში და რამე რეაგირება მოახდინეთ-მეთქი. ნახევარი საათის შემდეგ გავიგე, რომ ადიგენში ჰყავდათ მიყვანილი. შემდეგ ჩამოიყვანეს ბორკილებით ნარკოლოგიურში. იქ უცემიათ. რატომ უნდა ხდებოდეს. უდანაშაულო ადამიანს იჭერენ და თანაც ცემენ. დამეხმარეთ, რამე მიშველეთ, – უთხრა რუსთავი 2-ს ეკა აზირაშვილმა.
ეკა აზირაშვილი მომხდარში უშუალოდ თამაზ ფაილოძეს სდებს ბრალს.
დაკავებულის დედის თქმით, მომხდარის გამო ცუდად გახდა მისი მეუღლე და ის ამჟამად ახალციხის რეფერალურ საავადმყოფოშია.