გორის პოლიცია 14 წლის მოზარდ გოგონას ეძებს, რომელიც 31 მაისიდან აღარ გამოჩენილა.
ამის შესახებ ინფორმაციას სოფელ ტინისხიდის თემში მერის წარმომადგენელი ავრცელებს.
მისი ინფორმაციით, გოგონა, ბოლოს, 31 მაისს, ქალაქ გორში წმინდაწყლის დასახლებაში ნახეს.
“31 მაისს წმინდაწყლის ტერიტორიიდან დაიკარგა სოფელ ტინისხიდში მცხოვრები 14 წლის მოზარდი თეო ლურსმანაშვილი. ნებისმიერი ინფორმაციის ფლობის შემთხვევაში დაუკავშირდით პოლიციას ან მოგვწერეთ” – აღნიშნულია განცხადებაში.
ქართლი