გურიაში სასაფლაოების გაქურდვის ბრალდებით პოლიციამ ფოთში მცხოვრები 32 წლის ქალი დააკავა. ახალგაზრდა ქალი კომენდანტის საათის დროს 3 მცირეწლოვან შვილთან ერთად სასაფლაოებს ქურდავდა.
გამოკითხვის შემდეგ ის გაუსვლელობის ხელწერილით გაათავისუფლეს.
ადგილობრივები მომხდარში ხელისუფლებას ადანაშაულებენ და ამბობენ, რომ ადამიანები შიმშილის ზღვარზე არიან და დანაშაულის ჩადენა მძიმე სოციალური პირობების გამო უწევთ.
– იმაზე მეტად მტკივნეული, რომ ჩემი მშობლების სასაფლაო გაძარცვა იმ ქალბატონმა ის არის, რომ იმ ბავშვებს რა ეშველებათ?” – ამბობს ერთ-ერთი დაზარალებული, ამირან გიგინეიშვილი.
– ამ ეტაპზე მას 30-ზე მეტი საფლავი აქვს გაძარცვული. ისე, ნაპატიმრებია სხვა დროს იმავე თემაზე, – უთხრა მთავარს დაზარალებულმა ნონა ზოიძემ.