ერთი გარდაცვლილი და ერთი დაჭრილი – ზუგდიდში, “საკონსერვოს დასახლებაში” შემთხვევა დღეს დილით მოხდა.
არსებული ინფორმაციით, ცეცხლი ბენზინგასამართ სადგურზე მანქანაში მყოფ მამა-შვილს გაუხსნეს. 65 წლამდე კაცი ადგილზე გარდაიცვალა, დაჭრილი ნუკრი ლაგვილავა კი საავადმყოფოშია გადაყვანილი. მას ამ წუთებში გადაუდებელი ოპერაცია უტარდება.
გარდაცვლილის შვილი პოლიციის თანამშრომელია. არსებული ინფორმაციით, მკვლელობაში ეჭვმიტანილი ბენზინგასამართი სადგურის ერთ-ერთი მეწილეა. სავარაუდო ეჭვმიტანილმა 3 წლის წინ, ბიზნეს დავის გამო, სხვა პირიც დაჭრა.
მკვლელობაში ეჭვმიტანილი ზ.კ. დაკავებულია.
სამართალდამცავებმა ნივთმტკიცებად იარაღიც ამოიღეს.
მთავარი