ათასობით ინფიცირებული და გადავსებული კლინიკები შტატებში – დელტა შტამი ამერიკას უტევს. წინა კვირის მონაცემებთან შედარებით შტატებში ვირუსის გავრცელება 35%-ითაა გაზრდილი. ინფიცირებულთა დღიური რიცხვი 100 ათას სცდება.
– დელტა ვარიანტის დიდი ზრდით იქ არ ვიქნებოდით, სადაც ახლა ვართ უფრო ეფექტურები რომ ვყოფილიყავით ყველას დარწმუნებაში გაეკეთებინათ აცრა. ახლა ჩვენ საშინელ საფასურს ვიხდით, – ამბობს სამედიცინო სფეროს წარმომადგენელი.
ერთ-ერთი ყველაზე რთული ვითარება ფლორიდის შტატშია, სადაც ბოლო 8 დღის განმავლობაში ჰოსპიტალიზაციის მაჩვენებელმა რეკორდულ ნიშნულს მიაღწია.
CDC რეგულაციების გამკაცრებას არ გამორიცხავს.
ცოტა ხნის წინ აშშ-ს პრეზიდენტს პენტაგონმა თხოვნით მიმართა, რათა ჯარისკავებისთვის ვაქცინაცია სავალდებულო გახადოს.
ბოლო ინფორმაციით, აშშ-ში 36 მილიონზე მეტი ადამიანია ინფიციებული, გარდაცვლილია 600 ათასზე მეტი. სრულად ვაქცინირებულია 166 მილიონზე მეტი ადამიანი.
ტვ პირველი