ჟურნალისტმა ჯენი კვანტალიანმა ფეისბუქში დაწერა:
„კაცი, რომელიც მაღაზიაში გავიდა და უკან მოსულზე 12 წლის ონლაინ გაკვეთილზე მყოფი შვილი და მეუღლე ნანგრევებში დახვდა. ლოდინისას, ინტერვიუზე უარი მითხრა, თუმცა პირად საუბარში თქვა, რომ 1 წუთიც არ უძინია, არ მოცილებია ადგილს სადაც ცოლ-შვილს ცოცხალს ელოდა….
ეს წუთებია, 2 ცხედარი ამოიყვანეს, ტირის, რომ ოჯახი აღარ ჰყავს.”
ბათუმში, მაშველებმა ნანგრევებიდან კიდევ ორი ადამიანის ცხედარი ამოიყვანეს. გარდაცვლილები დედა-შვილი – 43 წლის მაია შომახია და მისი შვილი 12 წლის დათა შომახია არიან.
როგორც ცნობილი იყო, ნანგრევებში მოყოლილი იყო 12 წლის მოზარდი, რომელიც სახლში ონლაინ-გაკვეთილებს ესწრებოდა, როდესაც ნგრევა მოხდა.