თბილისში 15 წლის არასრულწლოვნის მკვლელობას კონფლიქტი უძღოდა წინ, რომელიც რამდენიმე დღის წინ დაიწყო.
როგორც ადგილობრივები “რუსთავი 2-ს” პირად საუბარში უყვებიან, ერთ-ერთი ვერსიით, დაპირისპირება მოზარდებს შორის გოგონას გამო დაიწყო.
თბილისში 15 წლის მოზარდი მოკლეს, შემთხვევა ლიახვის ქუჩის მიმდებარედ მოხდა, შემთხვევის ადგილას ახლოს მოკლულის, დ.კ.-ს დედა მუშაობდა და მოზარდი მასთან იყო მისული.
დაჭრილი მე-8 საავადმყოფოში გადაიყვანეს, თუმცა ის მიყვანისთანავე გარდაიცვალა.
მომხდარზე გამოძიება სისხლის სამართლის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
რუსთავი 2