ანა სუბელიანი – “ბათუმში, კლუბ კიბეში, ჩელოს დაბადების დღეზე იატაკზე თავი მარტყმევინეს…”

ანა სუბელიანი - "ბათუმში, კლუბ კიბეში, ჩელოს დაბადების დღეზე იატაკზე თავი მარტყმევინეს..."ანა სუბელიანმა ფეისბუქში დაწერა:

“ბათუმში, ახლახანს, კლუბ კიბეში ჯოჯოხეთი გამოვიარეთ მე, David Subeliani-მა და Bai Rósმა. უბედნიერესები ვიყავით, ძალიან კარგი საღამო იყო, მანამდე სხვაგან ვიყავით და რაღაცნაირად მანდ ამოვყავით თავი, წაგვიყვანეს მეგობრებმა, ვინმე ჩელოს დაბადების დღეა და კარგი სიტუაცია იქნებაო. ერთმანეთს ვეხუტებოდით და ვმხიარულობდით.

ვიღაც მძორი მოვიდა და კაჩაობა დაგვიწყო, ჩელოს დაბადების დღეა და წესიერად მოიქეცითო. რას ქვია წესიერად მოვიქცეთ, რანაირად გველაპარაკებითო, აღვშფოთდით და ამ ტიპმა დაგვიწყო რტყმა და დაცვაც მოიხმო. ბაის და დათოს თვალები აქვთ დალურჯებული, მე თავი მარტყმევინეს იატაკზე. ჩვენც არ ვიცი, რა ძალა მოგვეცა, მაგრამ კარგად ვატკინეთ ბევრ მოძალადეს. ვერც კი გვტკიოდა ვერაფერი, საშინლად ნაწყენები და შეურაცხყოფილები ვიყავით. რაღაც მომენტში დათოს ურტყამდა ბევრი და მთავარ ტიპს სამჯერ ჩავარტყი მოშნი წიხლი, მხოლოდ მაგით ვიმშვიდებ თავს, რაც არ უნდა სამწუხარო იყოს.

იქ მყოფი ადამიანების ნაწილმა გვითხრა, რომ ჩვენ ვინც გვირტყამდა, მათ შორის იყვნენ ამ კლუბის მფლობელები, ეს ჩელო და მამამისი. ვიღაცეები არ ადასტურებენ ამას, ამიტომ ზუსტად არაფერი ვიცით. მაგრამ ვიცით, რომ მათია ეს სივრცე და მათი სახელით დაგვესხნენ თავს, სულ მცირე. მინდა მივცე შანსი ამ ხალხს (ესეც იმ შემთხვევაში, თუ თვითონ უშუალოდ არ ძალადობდნენ), რომ ბოდიში მოგვიხადონ საჯაროდ და ყველა მოძალადეს თავად გასცენ პასუხი! თუ არადა, ხვალ სხვანაირი პოსტის დაწერა მომიწევს!”