ჰოლივუდის მსახიობმა ბრედ პიტმა ყოფილი მეუღლის, წინააღმდეგ სარჩელი შეიტანა. ის ანჯელინა ჯოლის ადანაშაულებს შეთანხმების დარღვევაში, რის თანახმადაც არ უნდა გაეყიდა მისი წილი საფრანგეთში ღვინის მამულში, რომელიც წყვილმა ერთობლივად შეიძინა 2008 წელს.
სასამართლო დოკუმენტების თანახმად, პიტი ამტკიცებს, რომ ჯოლიმ, მისი თანხმობის გარეშე, გაყიდა თავისი წილები Chateau Miraval ღვინის ქარხანაში და საფრანგეთის პროვანსში ამ ქონების ტერიტორიაზე მდებარე ციხესიმაგრეში. მათი მყიდველი იყო Tenute del Mondo, Stoli Group-ის ნაწილი (დაარსებული რუსი ბიზნესმენი იური შეფლერი). სხვა საკითხებთან ერთად, იგი ცნობილია როგორც Stolichnaya არყის მწარმოებელი.
პიტი ამბობს, რომ ჯოლის არასოდეს უთხოვია თანხმობა გაყიდვაზე და შეგნებულად დაუმალა მას გარიგების პირობები. მსახიობი სასამართლოს მეშვეობით ითხოვს გარიგების გაუქმებას და ზიანის ანაზღაურებას. ჯოლის ყოფილი მეუღლის სარჩელზე კომენტარი ჯერ არ გაუკეთებია.
პიტის ადვოკატების თქმით, სამხრეთ საფრანგეთის ღვინის ქარხანა მსახიობისთვის „ვნებიანი ჰობი“ გახდა და მისი ხელმძღვანელობით „გადაიქცა წარმატებულ მრავალმილიონდოლარიან ბიზნესად“. სარჩელში ნათქვამია, რომ ვენახი არის “მსოფლიოში ვარდისფერი ღვინის ერთ-ერთი ყველაზე ძვირად ღირებული მწარმოებელი”.
ნიუპოსტი