„ტვ ფორმულას“ ცნობით, სახელმწიფო უსაფრთხოების სამსახურმა გორში ბიტკოინების ქარხანას მიაგნო.
მაინერები გორის მერიის კულტურის სააგენტოს დირექტორის მოადგილეს გიორგი ქვათაძეს ეკუთნოდა, მაინერების მიერ მოხმარებული ელექტროენერგიის ყოველთვიური გადასახადი კი – 6000 ლარს აღწევდა, რისი გადახდაც ბიუჯეტიდან ხდებოდა.
ფორმულას ინფორმაციით, გიორგი ქვათაძემ აღიარა, რომ მაინერები მას ეკუთვნოდა და 2 წლის განმავლობაში იყენებდა. ქვათაძე სამსახურიდან გაათავისუფლეს, თუმცა ის არ დაუკავებიათ, რადგან ქართული ოცნების კადრია.
სუს-მა მაინერები გორის კულტურის ცენტრიდან ამოიღო, მაინერები დალუქულია. კულტურის ცენტრის თანამშრომლები ფორმულასთან ამბობენ, რომ მაინერების და სპეცოპერაციის შესახებ არაფერი იციან.
სუს-ის ანტიკორუფციული დეპარტამენტის თანამშრომლები გამოძიებას ბიუჯეტის არამიზნობრივი ხარჯვის და ბიტკოინების ქარხნის აღმოსაჩენად, სხვა აიპებშიც ატარებენ.