უკრაინის საგანგებო მდგომარეობის სახელმწიფო სამსახურის ინფორმაციით, ქვეყნის ძალები ლუგანსკის ორ სოფელს მელოევოსა და გოროდიშეს აღარ აკონტროლებენ.
ასევე, უწყების მიერ გავრცელებული ინფორმაციიდან ირკვევა, რომ:
– დნეპროპეტროვსკის რეგიონში ქალაქებში კრასნოპოლიე და მარგანეცში სამხედრო საწყობები იწვის;
– ვინიცკის რეგიონში ტულჩინისა და ბოხანას რაიონებში ხანძარია სამხედრო ნაწილებში;
– ლუცკში ტელეანძა ააფეთქეს;
– კიევის ოლქში კი ქალაქ ბროვარიში სამხედრო ნაწილში ხანძარი ფიქსირდება.
რუსულმა ჯარებმა ქვეყნის საზღვარი გამთენიისას ერთდროულად რამდენიმე ადგილას – რუსეთისა და ბელარუსიდან გადაკვეთეს.