თბილისში, ლაგუნა ვერეს უკან,2 ადამიანი მოკლეს.
ურთიერთშელაპარაკებისას კიდევ, სულ მცირე 5 ადამიანია დაჭრილი.
სისხლიანი დაპირისპირების მიზეზი ფულის განაწილება გახდა.
ვერაზე კრიმინალური გარჩევა ორ ჯგუფს შორის მოხდა. ერთმანეთს კანონიერი ქურდი დავით ყალიჩავას და კრიმინალური ავტორიტეტის ლევან მარღიას მხარეები დაუსპირისპირდნენ. კრიმინალური გარჩევა დავით ყალიჩავას წარმომადგენელმა, ზუგდიდელმა ავტორიტეტმა ხვიჩა ცხაკაიამ დაგეგმა.
გარჩევა დავით შენგელიას ბიზნეს საქმიანობას უკავშირდება, რომელსაც ბიზნესში წილს ლევან მარღია სთხოვდა. შენგელიამ დასახმარებლად თურქეთში მყოფ ყალიჩავას მიმართა, ყალიჩავამ კი საქმის მოგვარება ხვიჩა ცხაკაიას დაავალა.
სისხლიან გარჩევაში ათამდე ადამიანი მონაწილეობდა. ყველა გაქცეულია. პოლიცია მკვლელებს მთელი ქვეყნის მასშტაბით ეძებს.
“პირველების” ინფორმაციით, დაჭრილია ეკონომიკის ყოფილი მინისტრის გიორგი ქობულიას ძმაც.
დაჭრილებს შორისაა ხვიჩა ცხაკაიაც, რომელიც ახლა რესპუბლიკურ საავადმყოფოშია გადაყვანილი.
საგამოძიებო მოქმედებები ახლაც გრძელდება. პოლიციას ამ დრომდე არავინ დაუკავებია. შსს-ს ცნობით, გამოძიება სისხლის სამართლის კოდექსის 236-ე და 109-ე მუხლებით მიმდინარეობს, რაც ცეცხლსასროლი იარაღის უკანონო შეძენა, შენახვა, ტარებას და განზრახ მკვლელობას გულისხმობს.
ტვ პირველი