პაატა მანჯგალაძე სოციალურ ქსელში წერს:
„მინდა ბოდიში მოვუხადო საზოგადოებას ეთერში გასული კადრების გამო. მიუხედავად ცილისწამების მასშტაბისა, შეურაცხყოფის ხარისხისა. ძნელია თავის შეკავება, როცა იმას გაბრალებენ, რის წინააღმდეგაც იბრძვი, მაგრამ ესეც კი არ ამართლებს იმას, რაც მოხდა. გულწრფელი ბოდიში საზოგადოებას კიდევ ერთხელ”.
5 ივნისს, „მანჯგალაძის მოგვერდი“ მთელმა საქართველომ ნახა, როდესაც “ტვ პირველის” ეთერში, ტელეწამყვან მაია მამულაშვილის საავტორო გადაცემაში ლეიბორისტ გიორგი გუგავას ფიზიკურად დაუპირისპირდა.