ლევან ყურაშვილი სოციალურ ქსელში წერს:
„ვერტმფრენები ქვეყანას უნდა ჰყავდეს იმისთვის, რომ გადაუდებელ სიტუაციებში გამოიყენოს.
ხან ხანძრის ჩასაქრობად დაგჭირდება, ხან ხევიდან ვიღაცის ამოსაყვანად, ხან ცივილიზაციას მოწყვეტილი სოფლიდან ხალხის გამოსაყვანად. ეგაა ვერტმფრენის ფუნქცია.
ამ კადრებში აშკარად ჩანს, რომ მი-8 იწყებს უკონტროლო ტრიალს და რამდენიმე წამში უკანა როტორი საერთოდ ძვრება.
უკანა როტორის დაკარგვა არის 100%-იანი ავარია.
აი, უკანა როტორი რატომ გაძვრა, ის მოვიკითხოთ ჯობია.
და საერთოდ, რატომ დავფრინავთ დღემდე 50 წლის მი-8-ებით, როცა საფრანგეთიდან ჩამოყვანილი პუმები ჯერ ანგარებში დავალპეთ და მერე საერთოდ გავყიდეთ.
ხოლო ფრანგებს კონტრაქტი გავუწყვიტეთ, რომლითაც დამატებით პუმები უნდა მოეწოდებინათ.
პარაპლანისტებს კი არა, იმ ხალხს აგინეთ, ვის კისერზეცაა ეს კატასტროფა.
არ იქნებოდნენ პარაპლანისტები, ხვალ სხვა დავალებაზე გაფრინდებოდა ეგ ვერტმფრენი და შედეგი იგივე დადგებოდა.
ტექნიკური გაუმართაობა გადასარჩენი ობიექტის მიხედვით არ იჩენს თავს.“