საბერძნეთში 34 წლის ქართველი კაცი აფთიაქში ფულის მოპარვის გამო დააკავეს. სამართალდამცველთა ცნობით, ეს მისი ერთადერთი დანაშაული არ არის.
დაკავებულს მანამდე სამი ობიექტი აქვს გაძარცული, მათ შორის – საეკლესიო მაღაზია.
ამ ინფორმაციას ბერძნული მედია გამოცემა აქვეყნებს:
„როგორც გაირკვა, 34 წლის ქართველი მამაკაცი ამპელოკიფის მიმდებარედ, ერთ-ერთ აფთიაქში თანხა მოიპარა.
ამპელოკიპი-მენემენის დაცვის პოლიციის დეპარტამენტის ანგარიშის მიხედვით, 2021 წლის დეკემბრიდან ამ დრომდე, დაკავებულმა იმავე ტერიტორიაზე დამატებით სამ სავაჭრო ობიექტში შეღწევა და თანხის გამოძალვა შეძლო, ეს იყო: საეკლესიო ნივთების მაღაზია, აფთიაქი და საკონდიტრო.
ამ დაწესებულებებში ის შეიჭრა, ფული და პროდუქტები გაიტაცა და ადგილიდან მიიმალა“. – წერს გამოცემა.