ვახუშტი მენაბდე – „პირველი მოსმენით მიღებული კანონის გაწვევა არ ხდება, ის უნდა ჩავარდეს სესიაზე“

ვახუშტი მენაბდე - „პირველი მოსმენით მიღებული კანონის გაწვევა არ ხდება, ის უნდა ჩავარდეს სესიაზე“კონსტიტუციონალისტი ვახუშტი მენაბდე იმ პროცედურებს განმარტავს, რაც პირველი მოსმენით მიღებული კანონპროექტის გაწვევისთვის არის საჭირო.

„პარლამენტის რეგლამენტის მიხედვით პირველი მოსმენით მიღებული კანონის გაწვევა არ ხდება. ის უნდა ჩავარდეს სესიაზე.

გვაქვს ორი კანონი (პირობითი სახელით)

1. რუსულთან მიმსგავსებული პირველი მოსმენითაა მიღებული;

2. აშშ-თან მიმსგავსებული, რომელიც ჯერ არ განხილულია.

რაა საჭირო?

1. პირველი ვარიანტი სასწრაფოდ უნდა გაიტანონ მეორე მოსმენაზე და თავადვე ჩააგდონ (აქედან ერთი თვის განმავლობაში მეორედ აღარ უნდა დააყენონ კენჭისყრაზე, თორემ მეორე მოსმენით ერთხელ ჩაგდებული პროექტის შემობრუნება შეუძლიათ);

2. მეორე ვარიანტის ყველა ინიციატორმა უნდა მოაწეროს ხელი პროექტია გაწვევას.

ასე, რომ უმრავლესობამ საკუთარი ხელით უნდა ჩააგდოს კანონი და ხალხის ძალამ საკუთარი ხელმოწერებით უარი თქვას მასზე!” – წერს ვახუშტი მენაბდე.