ბათუმში დღეს, კორონავირუსით 20 წლის ქალი გარდაიცვალა. ინფიცირებული კლინიკა ”მედცენტრში” მკურნალობდა. 20 წლის ქალი სამედიცინო დაწესებულებაში რამდენიმე დღის წინ შეიყვანეს. “პრაიმტაიმის” ინფორმაციით, დაღუპული მარი მახარაძეა, რომელიც ოჯახთან ერთად ქედის მუნიციპალიტეტის სოფელ ზედა აგარაში ცხოვრობდა. მას მეუღლე და 6 თვის ბიჭი დარჩა. მარი მახარაძემ და გიორგი ფარტენაძემ 2019 წელს იქორწინეს, 6 თვის წინ კი მშობლები გახდნენ. […]
გუშინ ბათუმში კოვიდ 19-ით 20 წლის ქალი გარდაიცვალა. გასულ კვირას მისი დედამთილი გარდაიცვალა. ახალგაზრდა ქალი ქედის მუნიციპალიტეტიდან ჩამოიყვანეს. 31 აგვისტოს ის კლინიკა „მედცენტრში“ მოათავსეს. მას 8 თვის შვილი ჰყავს. პაციენტს კორონავირუსით გამოწვეული სუნთქვის მწვავე უკმარისობა ჰქონდა, ის მკურნალობას რეანიმაციულ განყოფილებაში გადიოდა და მართვით სუნთქვაზე იმყოფებოდა. სამედიცინო სფეროს წარმომადგენლების თქმით, კლინიკაში შეყვანის დროს ახალგაზრდა ქალს სატურაცია […]
საქართველოში კორონავირუსით ინფიცირების 3212 ახალი შემთხვევა დაფიქსირდა, გარდაიცვალა კიდევ 81 პაციენტი. ამასთან, დაავადებათა კონტროლის ეროვნული ცენტრის ინფორმაციით, გამოჯანმრთელდა 5017 პირი. გუშინ საქართველოში 40 435 ტესტი ჩატარდა.
რესტორანი “შავი ლომი” მკაცრ რეგულაციებს აწესებს. „ძვირფასო სტუმრებო, დღეიდან „შავი ლომი“ მხოლოდ აცრილ, ანტიგენი ან პსრ ტესტის მქონე სტუმრებს უმასპიძლებს. თანამშრომლებიც, რა თქმა უნდა, აცრილი დაგხვდებათ“ – წერია რესტორნის ოფიციალურ განცხადებაში
ლიკა ყიფშიძე ფეისბუქზე წერს: „გველები ჩვენს სადარბაზოებში მუხიანში, ჩემი დის სადარბაზოში ორი გველი იყო გაშხლართული. სანამ სპეციალური სამსახურიდან მოვიდნენ გაქრნენ. სამსაახურის თანამშრომლებს მხოლოდ დასაჭერი კაუჭები ჰქონდათ. შეწამვლა 70 ლარი ღირს, გადაიხადეთ და მოვიტანთ შესაწამლსო. არც ბალახებს კრეჭენ, აღარც წამლავენ, გაივსო ქალაქი ქვეწარმავლებითა და მღრღნელებით. რა ეშველება ამ მიტოვებულ ქვეყანას, ყველაფერში უპატრონობა იგრძნობა!“
საქართველოში კორონავირუსით ინფიცირების 3886 ახალი შემთხვევა დაფიქსირდა, გარდაიცვალა კიდევ 74 პაციენტი. ამასთან, დაავადებათა კონტროლის ეროვნული ცენტრის ინფორმაციით, გამოჯანმრთელდა 4103 პირი. გუშინ საქართველოში 52 162 ტესტი ჩატარდა.
66 წლის ასაკში მწერალი და დრამატურგი ზურა სამადაშვილი გარდაიცვალა “ზურაც წავიდა ძმებთან – Zura Samadashvili”, – დაწერა ფეისბუქში ლიკა უჯმაჯურიძემ და პოეტის ლექსი გააზიარა: სიკვდილის შემდეგ მე დავბრუნდები, როგორც სიცოცხლის უკვდავი არსი, ცოცხლებისათვის მიუწვდომელი, აუხდენელი სიზმარის მსგავსი. დედამიწაზე ეს ჩემი სული უსხეულოდაც დაიწყებს წანწალს და ყოველ ღამით მოიწვენს გვერდით დროს – გაშიშვლებულ, სისხლიან წაწალს.
საკოორდინაციო საბჭოს გადაწყვეტილებით, სასწავლო პროცესი სკოლებში 15 სექტემბრიდან 4 ოქტომბრამდე დისტანციურ რეჟიმში განახლდება – სასწავლო პროცესი სკოლებში 15 სექტემბრიდან 4 ოქტომბრამდე დისტანციურ რეჟიმში განახლდება. ანალოგიური რეგულაცია გავრცელდება უმაღლეს და პროფესიულ სასწავლებლებზე, – განაცხადა უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ. მისი თქმით, 4 ოქტომბრამდე შეზღუდული დარჩება სააღმზრდელო დაწესებულებების მუშაობა. – სასწავლო პროცესი სკოლებში 15 სექტემბრიდან […]
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 43 741 კვლევა ტესტით, მათ შორის 31 605 კვლევა ანტიგენის ტესტით და 12 136 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 4 778 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 549 811-ს. […]
თბილისში, ციციშვილის კლინიკაში, კორონავირუსით 6 წლის ბავშვი გარდაიცვალა. ინფორმაცია “რუსთავი 2-ს” კლინიკაში დაუდასტურეს. როგორც კლინიკაში აცხადებენ, ბავშვის ჯანმრთელობის მდგომარეობა მძიმე იყო და ის რეანიმაციაში იმყოფებოდა. შემთხვევა დღეს მოხდა. ამასთან, როგორც კლინიკაში აცხადებენ, ბავშვს ჰქონდა ბავშვთა ცერებრალური დამბლა, ეპილეფსიური სინდრომი, განუვითარდა სეპტიკური შოკი. რუსთავი 2