ირაკლი ოქრუაშვილმა ფეიბუქში დაწერა: “ციხიდან გამოსვლის მეორე დღეს სახლში გამომიარა და განთავისუფლება მომილოცა. ჩემნაირი გამოუსწორებელი ოპტიმისტი იშვიათია, Nika Melia მაქსიმუმ 2 კვირაში შენს სამზარეულოში მოგილოცავ თავისუფლებას.”
ელენე ხოშტარიამ ფეისბუქში დაწერა: “შენობიდან ძალით გაყვანის დროს სადღაც 6 პოლიციელს მივყავდი და ერთი სპეცრაზმელი ნიღბით ცინიკურად მეუბნება შენ 4 შვილი ხო თუ ხუთი? და ქეჩოთი მივყავარ სირცხვილია”
გია ხუხაშვილმა ფეისბუქში დაწერა: “პოლიციას ნუ ლანძღავთ. ეგენივე დაიჭერენ ღარიბაშვილს, რომელსაც მელიასგან განსხვავებით დამცველიც არავინ ეყოლება…”
ხათუნა ხოფერია ნიკა მელიას დაკავებას ფეისბუქში ასე გამოეხმაურა: “დიახ, გასაბჭოების 100 წლის თავზე საქართველომ სილა გააწნა სამშობლოს მოღალატეებს! ქართული მიწის გამყიდველებს! დედის და ტრადიციების შემგინებლებს!”
ხათუნა ლაგაზიძემ ფეისბუქზე დაწერა: „რას აკეთებთ, ხალხო, რაზე მიდიხართ?! საქართველოს ხვრეტთ?!“
თამარ ჩერგოლეიშვილი ფეისბუქზე წერს: „ძალიან მნიშვნელოვანი თვისება (სხვა თვისებებს შორის) რაც ლიდერს ლიდერად აქცევს, არის თავგანწირვა, თანამებრძოლების გვერდით დგომა და თანამებრძოლებზე ზრუნვა. ლიდერი არასოდეს გაწირავს თანამებრძოლს, თუ თავადაც წინა ხაზზე არ დგას. ჩემს თვალში დღეს ნიკა მელია ნაციონალური მოძრაობის რეალური ლიდერი გახდა. ეს იყო მისი ყრილობა.“
ნინო ლომჯარია სოციალურ ქსელში წერს: “არაფერი იმაზე სამარცხვინო არ შეიძლება მომხდარიყო 23 თებერვალს, საქართველოს დამოუკიდებლობის დაკარგვისა და გასაბჭოებოდან 100 წლის თავზე, როგორც ოპოზიციური პარტიის ოფისის დარბევა და ოპოზიციის ლიდერის დაპატიმდება, რასაც აუცილებლად მოყვება საბჭოთა საქართველოს მსგავსად დასავლური სამყაროსგან საქართველოს გაუცხოება და დაშორება. ალბათ, ესეც არის მიზანი… საკუთარი მოქალაქეების მიმართ სიძულვილით დაბრმავებულ ხელისუფალს ძალის დემონსტრირება ჰგონია […]
ნიკა გვარამიამ ფეისბუქში დაწერა: “დანამდვილებით ვიცით, რომ სუსმა პარტიის ოფისში შემოუშვა აგენტურა. ნაწილი საუბრობს სახელმწიფო გადატრიალებაზე, ძალადობაზე, სისხლისღვრაზე. ხოლო მეორე ნაწილი აკეთებს ამის აუდიო-ვიდეო გადაღებას და შემდგომში გამოყენებული იქნება თქვენს წინააღმდეგ და შტურმის გასამართლებლად. აგენტებს ტექნიკა ტანზე აქვთ. მათი გამოვლენის შემთხვევაში, მოახდინეთ ვიდეოგადაღება მათი ტექნიკური აღჭურვილობის და ასევე გადაიღეთ მათი დაკითხვა. სასწრაფოდ მიმართეთ შესაბამის ზომებს […]
მაია კალანდიამ ფეისბუქში დაწერა: “მეგობრებო, ვინც მწერთ პირადში, ან არ მწერთ და ნერვიულობთ, პირველ რიგში, გმადლობთ . არავითარი შიში და დაძაბულობა ჩვენთან არ არის, ეშინოდეს ხიხოს და მის შიზოიდებს. ვართ მხნედ, ვართ გამარჯვების და ერთობის განწყობით, ყველა ოპოლიდერი აქაა, აქ არიან პატრიოტები ჩვენი ქვეყნის ყველა კუთხიდან. რა გადაწყვეტილებაც არ უნდა მიიღოს ხიხომ, ჩვენ გამარჯვებულები ვართ! […]
გია ხუხაშვილმა ფეისბუქში დაწერა: ოპოზიციას ერთ რეკომენდაციას მივცემდი: შეხედეთ ღარიბაშვილის გამოსვლას მსუბუქად, იუმორით. მხოლოდ თქვენი სერიოზული რეაგირება გახდის მის გამოსვლას მნიშვნელოვანს.”