გურჯაანის მუნიციპალიტეტში ახალგაზრდა მამაკაცი დაჭრეს. შემთხვევა სოფელ ჩუმლაყში გვიან ღამით მოხდა. ერთ-ერთი ვერსიით, მომხდარს წინ სიტყვიერი დაპირისპირება უძღოდა, რის შემდეგაც 40 წლამდე კაცს ცივი იარაღით მიაყენეს ჭრილობები. დაჭრილი გურჯაანში, „ჯეოჰოსპიტალსის“ საავადმყოფოში მოათავსეს. ექიმების ინფორმაციით, მისი მდგომარეობა დამაკმაყოფილებელია. მომხდარზე დაწყებულია გამოძიება.
ქობულეთის ცენტრში სისხლიანი გარჩევა დაჭრით დასრულდა. შემთხვევა გუშინ ღამით რუსთაველის ქუჩაზე მოხდა. დაჭრას წინ 2 ადამიანს შორის ურთიერთშელაპარაკება უძღვოდა. დაშავებული ამ დროისათვის სამედიცინო დაწესებულებაშია მოთავსებული, მას შესაბამისი ოპერაცია ჩაუტარდა. მამაკაცი რეანიმაციულ განყოფილებაში მძიმე მდგომარეობაშია. შსს-ს ინფორმაციით, ფაქტზე 1 პირია დაკავებული. მიმდინარეობს გამოძიება. ტვ 25
მდინარე ალაზანში 56 წლის კაცი დაიხრჩო. შემთხვევა ახმეტის მუნიციპალიტეტის სოფელ ზემო ალვანში მოხდა. ადგილობრივების ინფორმაციით, მამაკაცი საქონელს მწყემსავდა და მდინარეში ცხენით ცდილობდა გასვლას. მდინარის გადალახვის მცდელობისას, ის ძლიერმა დინებამ გაიტაცა და ცხენთან ერთად წაიღო. სამძებრო სამუშაოებში ჩართულმა სამაშველო ჯგუფებმა თავდაპირველად ცხენს, შემდეგ კი მამაკაცის ცხედარსაც მიაგნეს. ადგილზე პოლიცია და ექსპერტები იმყოფებიან.
„ნამახვანჰესის“ საწინააღმდეგო კარვების ტერიტორიიდან რიონში მამაკაცი ჩავარდა. „ინტერპრესნიუსის“ ინფორმაციით, მდინარე რიონის ხეობაში იმ ადგილას, სადაც ეგრეთ წოდებული საგუშაგო კარვებია გაშლილი, მდინარეში ბანაკის ტერიტორიიდან სავარაუდოდ, ნასვამი მამაკაცი შევიდა, რომელიც წყალში გაუჩინარდა. პოლიცია შემთხვევის ადგილზე უკვე მობილიზებულია. სამაშველო სამსახურები კომპანია „ენკას“ თანამშრომლებთან ერთად გაუჩინარებულ ადამიანს ეძებენ. პოლიცია კარვებში მყოფების გამოკითხვას აწარმოებს გაუჩინარების მიზეზების დასადგენად.
ისნის მეტროსადგურში შუახნის მამაკაცი გარდაიცვალა. ადგილზე იმყოფებოდნენ პოლიცია და სასწრაფი-დახმარების ბრიგადები, რომლებმაც მას გადაუდებელი დახმარება აღმოუჩინეს თუმცა, მისი გადარჩენა ვერ მოხერხდა. შემთხვევა დღეს დილით, 10 საათზე მოხდა. რა გახდა მამაკაცის გარდაცვალების მიზეზი ამ დროისთვის უცნობია, თუმცა არსებული ინფორმაციით მას გულსისხლძარღვთა პრობლემები ჰქონდა. როგორც “რუსთავი 2-ს” შს სამინისტროში განუცხადეს, ფაქტთან დაკავშირებით გამოძიება 115-ე მუხლით დაიწყო, რაც […]
ყვარლის მუნიციპალიტეტში ახალგაზრდა მამაკაცი დაჭრეს. შემთხვევა სოფელ გრემში მოხდა. ადგილობრივების ინფორმაციით, თანასოფლელმა თანასოფლელს ცივი იარაღით მუცლის არეში მიაყენა ჭრილობა. დაჭრილი სასწრაფო დახმარების ჯგუფმა თელავის საავადმყოფოში მოათავსა, სადაც მას ჩაუტარდა შესაბამისი მკურნალობა და სამედიცინო დაწესებულება უკვე დატოვა. პოლიციამ სხეულის განზრახ მძიმე დაზიანების ბრალდებით ერთი ადამიანი დააკავა. მას ბრალს სავარაუდოდ, დღეს წარუდგნენ.
საგარეჯოში 60 წლამდე კაცი გარდაცვლილი იპოვეს. შემთხვევა საგარეჯოს მუნიციპალიტეტის სოფელ კაკაბეთში მოხდა. კაცს პირველადი დათვალიერებით დაზიანებები აღენიშნებოდა. ადგილობრივების ინფორმაციით, მოგვიანებით გაირკვა, რომ მას თანასოფლელი ტრაქტორით დაეჯახა და შემთხვევის ადგილიდან მიიმალა. ის მიყენებული დაზიანებებით ადგილზე გარდაიცვალა. სამართალდამცველებმა გამოკითხეს ტრაქტორის მძღოლი, რომელიც აღიარებს დანაშაულს. საქმეზე ტარდება შესაბამისი საგამოძიებო და საპროცესო ღონისძიებები.
თბილისში, უზნაძის ქუჩაზე სკვერში შუახნის მამაკაცის ცხედარი იპოვეს. როგორც „ინტერპრესნიუსს“ შინაგან საქმეთა სამინისტროში განუცხადეს ფაქტზე გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. არსებული ინფორმაციით, გარდაცვლილი უსახლკარო პირი, დაახლოებით, 50 წლამდე მამაკაცია. ის სკვერში სკამზე დამჯდარ მდგომარეობაში, გაყინული იპოვეს.
თბილისში, აბუსერიძე-ტბელის ქუჩაზე მამაკაცი დაჭრეს. არსებული ინფორმაციით, მამაკაცი შელაპარაკების დროს სხვებს აშველებდა, როდესაც თავად დაიჭრა. სავარაუდოდ, მას დაზიანება ცივი იარაღით აქვს მიყენებული. როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 120-ე მუხლით დაიწყო, რაც სხეულის განზრახ მსუბუქ დაზიანებას გულისხმობს.
გორის მუნიციპალიტეტის, სოფელ გარეჯვარში, 65 წლის კაცი სარწყავ არხში დამხრჩვალი დღეს დილით ნახეს. ადგილობრივების თქმით, ასაკიანი კაცი სახლიდან გუშინ გავიდა, ოჯახი კი მას ამ ხნის განმავლობაში ეძებდა. გარდაცვლილი ექსპერტიზის ბიუროში გადაასვენეს. მომხდარზე შინაგან საქმეთა სამინისტრომ გამოძიება 116 მუხლით დაიწყო, რაც გაუფრთხილებლობით სიცოცხლის მოსპობას გულისხმობს. მთავარი