ფლორიდაში ღორი ინგლისურად და ესპანურად ლაპარაკობს

ფლორიდაში ღორი ინგლისურად და ესპანურად ლაპარაკობსამერიკის ფლორიდის შტატის ქალაქ მაიამის გასართობ პარკ ”ჯანგალ აილენდში” დამთვალიერებლებს წარუდგინეს ვიეტნამური ჯიშის ღორი, რომელმაც ასეულობით ინგლისური და ესპანური სიტყვა იცის.

მომთვინიერებელი მარისელა გუტიერესი ამტკიცებს, რომ ოთხი წლის ღორს, სახელად გორდიტას, დაახლოებით 250 ინგლისური და ამდენივე ესპანური სიტყვა ესმის.

_ მას ორი ენა ესმის, ვინაიდან სხვა მომთვინიერებლები მას ინგლისურად ესაუბრებიან, ხოლო მე _ ესპანურად, _ განმარტა გუტიერესმა.

ვიეტნამური ჯიშის ღორები 6 წლამდე იზრდებიან, ამიტომ პარკის თანამშრომლები ფიქრობენ, რომ ცხოველის სიტყვათა მარაგი კვლავაც გაიზრდება.

_ ღორები მეტად ჭკვიანები არიან, ძაღლებზე ჭკვიანებიც, _ ამტკიცებს ცხოველის მომთვინიერებელი, რომელიც გორდიტას ლეკვივით ზრდის.